चितवन – राष्ट्रिय स्वतन्त्र पार्टी (रास्वपा) का नवनिर्वाचित सभापति रवि लामिछानेले औपचारिक रूपमा पद तथा गोपनीयताको सपथ ग्रहण गरेका छन्। चितवनको भरतपुरस्थित  महाधिवेशनस्थलमा आयोजित कार्यक्रममा निर्वाचन आयोगका प्रमुख भुवन केसीले लामिछानेलाई सभापति पदको सपथ गराएका हुन्। सपथसँगै लामिछानेले रास्वपाको नयाँ नेतृत्वको जिम्मेवारी औपचारिक रूपमा सम्हालेका छन्।

 सत्तारुढ राष्ट्रिय स्वतन्त्र पार्टी रास्वपाका पाँच जना पदाधिकारीका लागि भएको निर्वाचनको परिणाम सार्वजनिक हुँदा सोविता गौतमले  जित हात पारेकी छिन्। गौतमले ७८९ मत प्राप्त गरेकी छिन्। प्रतिस्पर्धी तोसिमा कार्कीले ५७२ मत प्राप्त गरेकी छिन् । महामन्त्रीमा विपिनकुमार आचार्य निर्वाचित भएका छन्। उनले ६७३ मत प्राप्त गरेका छन्।